Ads Right Header

Group 2 - தலைமைச் செயலக பணிகள் பற்றிய குறிப்புகள்!


தலைமைச் செயலர் மாநிலச் செயலகத்தின் செயல்துறைத் தலைவராக உள்ளார் .

மாநில நிர்வாகத்தின் நிர்வாகத் தலைவராக அவர் உள்ளார் . மற்றும் மாநில நிர்வாகப் படிநிலையின் உச்சத்தில் நிற்கிறார் .

உண்மையில் , அவர் அனைத்துச் செயலர்களின் தலைவராக இருந்து அனைத்துத் துறைகளையும் கட்டுப்படுத்துகிறார் .

அவர் மாநிலத்தில் மிகவும் மூத்த சிவில் பணியாளராக இருக்கிறார் . மாநில அரசாங்கத்தால் தயாரிக்கப்பட்ட செயல் விதிகளில் குறிப்பிட்டுள்ள அதிகாரங்களையும் , பணிகளையும் அவர் பெற்றுள்ளார் .

அவர் பின்வருகின்ற பிரதான பணிகளையும் , மற்ற பணிகளையும் செய்கிறார் .

முதலமைச்சருக்கு ஒரு ஆலோசகராக மாநில அமைச்சர்களால் அனுப்பப்படும் முன்வரைவுகளின் நிர்வாக உள்ளடக்கங்களை தலைமைச் செயலர் விளக்குகிறார் .

அமைச்சர் குழுவிற்கு செயலராக அமைச்சர் குழு கூட்டங்களுக்கான நிகழ்ச்சி நிரலை அவர் தயாரிக்கிறார் . மற்றும் அதன் செயல்பாடுகளின் பதில்களைப் பாதுகாக்கிறார் .

சிவில் பணியின் தலைவராக மூத்த மாநில சிவில் பணியாளர்களின் நியமனம் , இடமாற்றம் மற்றும் பதவி உயர்வு தொடர்பானவற்றை அவர் கவனிக்கிறார் .

தலைமை ஒருங்கிணைப்பாளராக துறைகளுக்கு இடையேயான ஒருங்கிணைப்பை நோக்கி அவர் பணிபுரிகிறார் .

 துறைகளுக்கிடையேயான சிக்கல்களைப் போக்குவதற்கு அமைக்கப்பட்டுள்ள ஒருங்கிணைப்புக் குழுவின் தலைவராக இருக்கிறார் .

சில குறிப்பிட்ட துறைகளின் தலைவராக அவைகளை மேற்பார்வையிடுகிறார் . மற்றும் கட்டுப்படுத்துகிறார் .

சிக்கல் தீர்க்கும் நிர்வாகியாக வெள்ளம் , வறட்சி , இனக் கலவரங்கள் போன்ற சிக்கலான நேரங்களில் மிகவும் முக்கிய பங்கில் அவர் செயல்படுகிறார் .

மற்ற பணிகள்

துறைகளுக்குள் அடங்காத அனைத்து விவகாரங்களையும் தலைமைச் செயலர் கவனிக்கிறார் .

ஒட்டுமொத்த செயலகத்தின் மீதான பொது மேற்பார்வை மற்றும் கட்டுபாட்டை அவர் செயல்படுத்துகிறார்.

தொடர்புடைய மாநில உறுப்பினராக உள்ள மண்டலக் கவுன்சிலின் செயலராக சுழற்சி முறையில் அவர் செயல்படுகிறார் .

செயலகக் கட்டடம் , அமைச்சர்களுடன் தொடர்புடைய பணியாளர்கள் , செயலக நூலகம் மற்றும் செயலகத் துறைகளின் பணியாளர்கள் மீதான நிர்வாகம் கட்டுபாட்டை அவர் பெற்றுள்ளார் .

மாநில அரசாங்கம் , மத்திய அரசாங்கம் மற்றும் பிற மாநில அரசாங்கங்கள் போன்றவைகளுக்காக தகவலின் பிரதான வழியாக அவர் இருக்கிறார் .

தேசிய வளர்ச்சிக் கவுன்சிலின் கூட்டங்களில் அவர் கலந்து கொள்கிறார்.

மாநில அரசாங்கத்தின் தலைமை பொதுமக்கள் தொடர்பு அலுவலராக அவர் செயல்படுகிறார் .

மற்றும் அரசியலமைப்பு விதி 356 ன் படி மாநிலத்தில் ஜனாதிபதி ஆட்சி அமுல்படுத்தப்படும் போது , மத்திய ஆரோசகர்கள் நியமிக்கப்படாமல் இருக்கும்போது ஆளுநருக்கு முதன்மை ஆலோசகராக அவர் செயல்படுகிறார் .

இவ்வாறாக மொத்தத்தில் தமிழ்நாட்டின் தலைமைச் செயலகம் மாநில நிர்வாகத்தின் நரம்புமண்டலமாக இருக்கிறது . இதேபோல , தமிழ்நாட்டில் அனைத்துச் செயலர்களின் தலைவராக உள்ள தலைமைச் செயலர் குறிப்பாக செயலக நிர்வாகத்தின் நரம்பு முறைமையாக இருக்கிறார்.

Whatsapp ல் இணைந்திட
Click here to join
Previous article
Next article

Leave Comments

Post a Comment

Ads Post 4

DEMOS BUY