Dinamani & The Hindu (Tamil) February - 2021 CA. - TNPSC Study Material | TNPSC Group 1 2 2A 4 | TNPSC Model Question Paper

2021 பிப்ரவரி மாத நடப்பு நிகழ்வுகள் அனைத்தும் இங்கே காணலாம்

கடலோரக் காவல் படையில் ' சி -453 ' நவீன படகு சேர்ப்பு.

இந்திய கடலோரக் காவல் படைக்கு 18 அதிநவீன படகுகளை தயாரித்து வழங்க எல் அண்ட் டி நிறுவனத்துடன் ஒப்பந்தம் செய்யப்பட்டுள்ளது . இதில் 17 - வது படகான சி -453 , இந்திய கடலோரக் காவல் படையில் சேர்க்கப்பட்டுள்ளது . சென்னை துறைமுகத்தில் பாதுகாப்புத் துறை கூடுதல் செயலாளர் ஜிவேஷ் நந்தன் முன்னிலையில் நடந்த நிகழ்ச்சியில் , கடலோரக் காவல் படை இயக்குநர் கே.நடராஜனிடம் இந்த படகை மத்திய நுகர்வோர் விவகாரங்கள் துறை செயலாளர் லீனா நந்தன் ஒப்படைத்தார் . கடலோரக் காவல் படையின் கிழக்கு பிராந்திய ஐ.ஜி.யான எஸ்.பரமேஷ் , எல் அண்ட் டி நிறுவன அதிகாரிகள் பங்கேற்றனர் . எதிரிகளை இடைமறித்து தாக்கும் இப்படகு 27.80 மீட்டர் நீளம் , 105 டன் எடை கொண்டது . 45 நாட்டிக்கல் மைல் வேகத்தில் செல்லக் கூடியது . கடற்பகுதியில் கண்காணிப்பு , தேடுதல் , மீட்பு பணிகளில் ஈடுபடும் இப்படகில் நவீன தொலைதொடர்பு கருவிகள் , வழிகாட்டி சாதனங்கள் உள்ளிட்டவை பொருத்தப்பட்டுள்ளன . உதவி கமாண்டன்ட் அனிமேஷ் சர்மா தலைமையில் இயங்கும் இப்படகு , கடலோரக் காவல் படையின் கிழக்கு பிராந்தியத்தில் பாதுகாப்பு பணியில் ஈடுபடும் . இப்படகு சேர்க்கப்பட்டதன் மூலம் , கடலோரக் காவல் படையில் படகுகள் எண்ணிக்கை 157 ஆக அதிகரித்துள்ளது . இதுதவிர , பல்வேறு கப்பல் கட்டும் தளங்களில் மேலும் 40 படகுகள் கட்டப்பட்டு வருகின்றன . பெங்களூருவில் உள்ள இந்துஸ்தான் ஏரோநாட்டிக்கல் நிறுவனம் 16 எம்கே -3 நவீன ரக ஹெலிகாப்டர்களை தயாரித்து கடலோரக் காவல் படைக்கு வழங்க உள்ளது . பாதுகாப்பு துறை பத்திரிகை தகவல் அலுவலகம் வெளியிட்டுள்ள செய்திக்குறிப்பில் இத்தகவல் தெரிவிக்கப்பட்டுள்ளது .

Feb 20 2021 Paper cutting

Feb 19

Feb 18

Feb 17

Feb 16

Feb 15